خطوات ربط صفحتك بـ دويدار ماركتنج
الخطوات دي بتاخد حوالي دقيقتين من الكمبيوتر. الصفحة بتفضل ملكك بالكامل، وإنت بتدّينا صلاحية على اللي هنشتغل عليه بس، وتقدر تشيلها في أي وقت.
الصلاحية اللي محتاجينها
هنطلب دول بس
- الإعلانات: عشان نعمل الحملات ونمولها.
- المحتوى: عشان نجدول البوستات اللي بتجهزوها.
- الإحصائيات: عشان نقيس النتايج ونبعتلك التقرير.
- الرسائل: للمراجعة والتحليل بس، عشان نعرف اللي جه من الإعلان حصله إيه، وندلك على أي تحسين في الردود. مش هنرد على عملائك إلا لو اتفقنا على كده.
مش محتاجين
- التحكم الكامل في الصفحة.
- إعدادات الصفحة أو طرق الدفع.
خطوات الربط
الخطوات من Meta Business Suite على الكمبيوتر. جنب كل خطوة زرار بيوريك الشاشة الحقيقية، والزرار اللي هتضغط عليه متعلّم بالأحمر.
- افتح business.facebook.com من الكمبيوتر، واختار صفحتك من فوق. بعدين من القايمة اللي على الجنب اضغط الإعدادات.
- من قسم المستخدمون اختار الشركاء.
- اضغط إضافة، واختار منح شريك صلاحية الوصول إلى أصولك.
- اكتب معرّف حافظة أعمال دويدار ماركتنج في الخانة، واضغط التالي. هيظهرلك الاسم Dwiedar Marketing:
28369732412632995 - من Facebook Pages اختار صفحتك، وفعّل صلاحية وصول جزئي (أدوات الأعمال وفيسبوك). دي بتشمل المحتوى والرسائل والإعلانات والإحصائيات. متفعّلش التحكم الكامل، وبعدين اضغط تعيين أصول.
- لو حساب Instagram بتاعك ظاهر في نفس القايمة، اختاره واعمل نفس الخطوة. وبعد ما تخلص ابعتلنا رسالة «تم» على واتساب.
لو مش لاقي «الشركاء» أو أي خطوة شكلها مختلف عندك، ابعتلنا صورة الشاشة ونكمّل معاك خطوة بخطوة.
